No.6664/2020-2021

Mamit 25th, November 2020 : Vawiin khan Mamit District Sanitation Task Force chu an Chairman Dr. Lalrozama, IAS District Bawrhsap hovin DC Conference Hall, Mamit- ah  Mamit Town Solid Waste Management Bye- Laws, 2020- chungchang ngaihtuahin thutkhawm a ni.

Vawiin thutkhawm-ah hian District Urban Development Office-in Mamit Town Solid Waste Management Bye- Laws, 2020 an siam chu thlirho niin pawm a ni a. He Bye-Laws 2020 pawm takin a tum ber chu Mamit khawpui huam chhunga bawlhlawh (Solid Waste) uluk taka sawngbawl leh tihral dan tur leh mipui te'n kan zawm ngei ngei tur dan leh dun chungchang niin, Sawrkar leh mipui thawhhona PPP Mode a kalpui tum a ni a, chhungkaw tinin thlakhatah Rs 50 (sawmnga) thawhkhawm a ni thin tawh dawn a ni. Bawlhlawh  tawihthei leh tawihtheihlo bakah bawlhlawh chi hrang hrang hi thliar hrana paih dan tur leh dan zawm lote hrem theihna tur he Bye- Laws-ah hian tarlan vek a ni.

He dan hi tihdik ngai lai tihdik a nih hnuah thuneitute'n an notified anga, Notification-in hman tan hun tarlan anga,  hman tan anih dawn thu meeting-ah hian tarlan a ni. 

Vawiin meeting hian Mizoram pum huap khawpui fai inelna kalpui mek a nih angin mahni in leh a vel tihfaia tan la theuh turin mipuite ngen kan ni a, chubakah kawngpui hrula insakna bungrua leh hmanraw hrang hrang dahte chu tunkar chhung ngeia senghawi tura ngen kan ni a. Khawpui chhunga Village Council huam chhung theuha VC te chu ran chhuak khuahkhirh tura tih an ni bawk. 

Vawiin Meeting-ah hian PD,DRDA, Addl SP, SMO, EE, PHED, DIPRO, DLAO, LAD aiawh, DEO aiawh, tlawmngai pawl YMA, MUP, MHIP aiawhte bakah Mamit khawpui chhunga khawtlang hruaitute an tel a ni.