2322/2023-2024

Mamit 14th October,2023 : 21st Mamit District Secondary School Sports 2023 chu Nimin khan Kawrthah Playground-ah zawhfel a ni a. Pu Emmanuel Chhakchhuak, Addl. DPC chuan kharna hun hi hmanpuiin lawmman semna a nei.

Pu Emmanuel Chhakchhuak Addl.DPC chuan harsatna leh buaina awm miah lova tluang tak a Sports zawh a ni thei chu a lawmawm hle a, School Games a Mamit District ti hming tha tura tan la zual sauh sauh tur leh Mamit District chhunga school hrang hrangte inkarah inunauna leh inpawhna tha zawk thlentu ni thei se a duh thu a sawi.

Mamit District Secondary School Sports Vawi 21-na Kawrthah Playground-a neihah hian District chhung school hrang hrang 24 atangin zirlai 700 an tel a. Sports Discipline hrang hrangah inelna neih niin, Zirtirtu 84 zetin an telpui bawk a ni. A pumpuia ti tha ber(Overall Champion) chu Govt.Mamit H/S niin Pahnihna chu Govt.Tuidam H/S an ni a. Pathumna chu Govt.W.Phaileng HS an ni bawk. Best Athelete (Boys) ah Isaka Govt.Mamit H/S thlan niin Best Athlete (Girls) ah Lizia Lalthazuali, Govt.Kanhmun H/S te thlan an ni bawk.