2323/2023-2024

Dated Aizawl the 14th October, 2023: Inthlanpui lo awm tur atana inbuatsaihna chungchangah vawiin khan hmun hnih - State Guest House leh DC Office Conference Hall ah meeting neih a ni a. DC Conference Hall ah Pu Nayanjyothi Nath, IRS ho in meeting hi neih niin, State Guest House ah hian Pu Ajit Dan IRS ho a neih a ni thung.

DC Conference Hall-a meeting ah hian Election Expenditure Nodal Officer, Media Certification & Monitoring Committee (MCMC) Member Secretary, Assistant Expenditure Observer te, Flying Squad Team, Static Surveillance Team, Video Surveillance Team, Video Viewing Team leh Accounting Team aiawhte bakah Excise Nodal Officer te an tel a. Election Commission of India in kaihhruaina a siam chu zirchiang a, harsatna an neih chuan hotute hriattir zel turin leh team hrang hrangte'n thawhhona tha an neih a pawimawh zia Expenditure Observer chuan a sawi a. Excise kaihhnawih bikah chuan Mizoram chu ramri dep a awm a nih avangin dan phalloh thil ramri kan a awm thei chungchangah fimkhur zual a pawimawh thu a sawi.

State Guest House Pu Ajit Dan ho a meeting neih ah hian Aizawl West I, Aizawl West II, Aizawl West III leh Aizawl East II a RO, ARO, Election Expenditure Asst. Nodal Officer, Assistant Expenditure Observer leh Accounting Team member te an tel a. An inpuahchahna theuh zawt in, zawhna awm te a chhang a. Team hrang hrangte hnathawh inkungkaih dan leh inthlanna muanawm leh felfai, dan palzutna awmlo siam turin an chanvo theuh rinawm taka thawk turin a chah a ni.