No.7847/2020-2021

Mamit 19th March, 2021 : Vawiin khan DC Conference Hall, Mamit-ah Dr. Lalrozama, IAS, District Bawrhsap hovin Mamit District Skill Development Plan 2021-2026 chu thlirho a thutkhawm a ni a. He Plan hi uluk taka zirho anih hnuah pawm a ni.

Mamit District Skill Development Plan hi Deputy Commissioner Office, Mamit-a thawktute'n khaw hrang hrang uluk taka zirchianna an neih hnu-a siam a ni a. He Plan siamna tur data lakhawm tur hian Enumerators 6 te rawih niin thla 6 chhungin khaw 90-ah Gram Sabha vawi 40 neih hnu-a siam anih thu meeting-ah hian tarlan a ni a. Mamit District chhunga thalai 2% chauhin Skill Development Training hi an nei tawh a ni tih hmuhchhuah a ni bawk.

Meeting-ah hian ITI West Phaileng chu hman thuai a nih theih nan hmalak mek a nih thu tarlan a ni a. Committee-ah hian uluk taka ngaihtuah anih hnuin heng trade 5, Electronics Mechanic, Electrician, Mechanic Motor Vehicle, Fashion Designing Technology bakah Sewing Technology te chu a bul tan nana Training theih tur Trade atan thlan niin ruahman chhin a ni. Electronics Mechanic, Electrician, Mechanic Motor Vehicle leh Fashion Designing Technology Training tur hian Class X Pass nih a ngai a. Sewing Technology hi Class VIII Pass chin tan Training theih a ni dawn bawk a ni.

Vawiin Meeting-ah hian SANKALP (Skill Acquisition and Knowledge Awareness for Livelihood Promotion) leh PMKVY 3.0 (Pradhan Mantri Kaushal Vikas Yojana) 2020-21 chungchang leh a kalphung Labour Employment, Skill Development and Entrepreneurship (LESDE) Department Director Pu K. Lalhmingliana leh LESDE Officials te'n a lem nena entirin hrilhfiahna hun an hmang bawk.

Vawiin thutkhawmah hian District Skill Development Committee members-te an tel tha hle a ni.