No.7846/2020-2021

Dated Champhai, the 19th March, 2021: Vawiin chawhma khan a vawikhatna turin Champhai District chhunga Mizoram Sustainable Developments Goals (SDGs) kalpui dan tura hmalakna tulte leh hmachhawpte District Bawrhsap Pi Maria C.T. Zuali kaihhruaina hnuaiah ngaihtuahho a ni.

Pi Maria C.T. Zuali chuan Sustainable Developments Goals awmzia leh tum hrang hrangte a sawifiaha, line department hrang hrang hotu kalkhawmte chu awmze nei leh hlawhtling taka kalpui a nih theihna tura theihtawp chhuah tlang turin a chah a ni. 

He hunah hian line department hrang hrang aiawh hotute atangin mawhphurhna leh hlen tur bituk theuhte kalpui tum dan leh ruahmanna neihte ngaihthlak a ni a.  Sustainable Development Goals-in a tum hrang hrang points 17 tarlante uluk takin a mal te tea zirho a ni a, hma la tura ruat department hrang hrangte inkara thawhho dan tur leh hlawhtling taka kalpui a nih theihna tura tanlak ngaihna leh tul dangte ngaihtuahin inrawnkhawmna zau tak neih a ni.