1303/2026-2027

Dated : Mamit the 4th of July, 2026 : Vawiin khan DC Conference Hall, Mamit-ah Pu Suvigya S Chandra, IAS,District Election Officer/District Bawrhsap chuan Special Intensive Revision of Photo Electoral Rolls, 2026 Draft Electoral Roll tlangzarhna a nei.

District Election Officer chuan SIR, 2026 Draft Electoral Roll, tlangzarh tura kalkhawmte chungah lawmthu sawiin, Election Commission of India thuchhuak anga ramchhung hmundangte ruala Special Intensive Revision, 2026 neih meka Draft Roll tlangzarh a ni ta chu lawmawm a tih thu a sawi a, hemi buatsaihna kawnga thawktute ERO, AERO, Election Office, BLO, BLA, Political Party, tlawmngaipawl, khawtlang hruaitu leh Media mite thawhpuinaah lawmthu a sawia, ECI chuan India khua leh tui, kum 18 tling chin, Vote nei theih te'n kan neih ngei hi a ngaipawimawh hle a, Draft Roll tarchhuah takah kan hming a chuang ngei em tih in en theuh tura Distict mipuite a sawm bakah siamthatna hun atana hun bi tukte ngaipawimawha, ngaihven turin a chah bawk.

Pu Lalnunfela Chawngthu, Election Officer chuan Draft Electoral Roll tlangzarh tak sawizauna a nei a bawk.

Special Intensive Revision ( SIR) 2026 Draft Electoral Roll tlangzarh takah hian Mamiit District chhungah Polling Station 122 awmin, Constitiency pathum 1-Hachhek ST) AC - 20434, 2-Dampa (ST) AC - 20199 leh 3-Mamit (ST) AC- 23684 niin vote nei zawng zawng hi mipa 32310 leh Hmeichhia 32007 an vaiin 64317 an awm mek a, Roll hnuhnung ber atanga kiamna hi 2667 ( -3. 982%) a ni. SIR, 2026 kalpui zawh takah hian enumeration lak theih loh mi 3296 awmin heng zingah hian Mithi 1582, pem tawh 1175, an chin hriat tawh loh 352, Roll a in ziak nawn 175 bakah inziak lut duhlo mi 12 an ni.

Draft roll tarchhuah takah hian  July 5 atanga August ni 4, 2026 chhungin hming thunluh, paih leh siamthat ngaite tan hun hawn a ni a, September ni 2, 2026 hmain form lutte chinfel tura ruahman niin Ni 6 September, 2026 ah Final Roll Publication neih tura ruahman a ni bawk. Mamit District chhunga Vote tlemna ber hi 2/12 Zopui PS niin Voters 23 an awm a, Vote nei tamna ber hi 2/17 Silsuri I Polling Station niin Voters 1056 an awm a ni. District chhungah Service Voters  hi 296 an awm mek bawk.

Mamit District chhunga Roll a chuang zawng zawngte EPIC pek vek tum an ni.