Vawiin khan DC Conference Hall, Mamit-ah Election commission thupek angin Special Summary Revision Of Electoral Rolls 2017 ( Photo Electoral Rolls) Final Roll Mamit District chu tarchhuah a ni.

He hun hi Pi Lalbiaksangi District Bawrhsap chuan kaihruaiin Pi H.Lalchhandami Election Officer chuan Final Electoral Roll hi hi ni 1.1.2017 a kum 18 tling thar chinte a huam thu sawiin , vawiina tarchhuah a ni thei ta chu NGO hrang hrang leh Party hrang hrang tanrualna a ni a ti. Electoral Roll a thun hmaih ni 1.1.2017 a kum 18 tling chinte chu roll-ah hian luh dil theih reng anih thu a tarlang bawk.

He hunah hian Addl.DC Pu H.Lianzela leh Political party aiawhte’n thu an sawi bawk.

Party hrang hrangte hnenah District Bawrhsap hian roll tarchhuah tak Hard copy leh Soft copy a hlan nghal a ni.

Mamit District-ah Vote nei mipa 31756 leh hmeichhia 30665 an vaiin mi 62421 an awm a ni. Hachhek Constituency ah vote nei 22905 awmin 2.16 % in a pung a, Dampa-ah vote nei 17516 awmin a punna hi 2.82% a ni. Mamit-ah Vote nei 22000 awmin 2.27% in a pung ve thung a ni. Mamit District chhungah a pumpuia vote punna hi 2.38 % a ni a, Vote nei thar ( Fresh Electors) hi 2013 awmin paih (delete) hi mi 730 (mipa 366 leh hmeichhia 364 ) an awm bawk a ni.