1908/2024-2025

Dated: Mamit the 4th of September, 2024 : Vawiin chawhnu dar 2 khan Mamit District Task Force on Immunization chu a Chairman Pu Jacob Lalawmpuia, District Bawrhsap ni bawk hovin an thukhawm.

Vawiin thutkhawmah hian April atanga June 2024 chhunga hmalaknate thlirlet a ni a, April atanga June chhung hian Mamit District chhung Sub-Centre 39 atanga naupang vaccine pek ngai target 423.5 atangin naupang 306 te hnenah vaccine pek an ni a, hei hi 72% a ni.Raipuar Vaccine pek hi mi 466 an awm bawk a ni. Kum kalta 2023-2024 chhunga Mamit District chhunga vaccination pek chhuah zat hi Nausen 1525 an ni a, Raipuar mi 1846 niin Naupang kum 6 hnuailamah mi 1409 an awm bawk.

Meeting kaihruaitu Pu Jacob Lalawmpuia chuan a mamawhtu tak te'n hridanna an lak theihna turin thawktute inpekna a pawimawh a, hlawhtling taka kalpui a nih theih nan hmun tlawh harsa leh kalpawh harsatna hmunah khawtlang hruaitute bakah officials dangte pawh thawhpui thiam a pawimawh thu a sawi bawk.

District Immunization lama thawktute chuan hridanna pek kawngah harsatna an tawh tlangpuite tarlangin, inkalpawhna kawng bakah hridanna lak tul tihna chang hre tawklo kan awm thin thu an tarlang tel a ni.

Vawiin thutkawmah hian hridanna pek kalpui lehna tura thawhhona tur bakah kokim taka a mamawhtute/ ala tur te'n an lak ngei theihna tura rawtna hrang hrangte sawiho a ni.