17/2025-2026

Dated: Mamit the 2nd of April, 2025 : Vawiin khan Mamit Hmarveng, Multipurpose ALF Cooperative Society Ltd. te'n an enkawl Disposable Paper Cup Machine chu Mizorama a hmasa ber ni turin Pu K. Laltlawmlova, District Bawrhsap chuan a hawng.

Pu K. Laltlawmlova chuan Mizoram tana Disposable Cup siam chhuahna  hmasa ber tur Cooperative Society hnuaia Mamit Hmarveng Self Help Group te'n an enkawl hawn theih a ni ta chu lawmawm a tih thu sawiin tangkai taka hman a nih theih nan duhsakna a hlan.

Pu Lalthangfala, DCO Mamit chuan technical report pe-in disposable cup siamna khawl hi Cooperative Department-in Cheng nuai 22 senga an bun niin 70% hi Loan niin 30% subcisy a ni. He khawl hian minute 1 ah dispo No 100 siamchhuak theiin darkar 1 ah No 6000 a siamchhuak thei a ni.

Disposable Cup Machine hawnna hun hi Pi K. Lalzamliani, Chairman Mamit Hmarveng Multipurpose ALF chuan kaihruaiin, Pi R. Lalhmangaihzuali, DUDO, Dr. Saipari Sailo, DVO bakah Pu Rothangliana, DCO, Mamit te'n thusawina neiin Pi Malsawmdawngkimi, Secretary Mamit Hmarveng Multipurpose ALF chuan lawmthu sawina a nei bawk.