18/2025-2026

Dated Kolasib the 2nd April 2025: Vawiin khan Mizoram Dragon Fruit Association (MIDFA), Kolasib District te chuan KVK Kolasib ah Dragon Fruit enkawl dan chungchangah training neiin, he training-ah hian Pu PC Lalrintluanga, Subject Matter Specialist (Horticulture) leh Pi R. Lalchhandami Subject Matter Specialist (Agriculture Engineer) ten zirtirna an pe a ni.

Vawiin training ahhian topic hrang hrang; Dragon Fruit hlawk zawka enkawl dan te, a natna enkawl dan leh ven dan te bakah Dragon Fruit a Drip Irrigation tangkaina ah te zirtirna pek a ni a. KVK Kolasib Senior Scientist & Head, Dr. Michelle C. Lallawmkimi chuan training a lo kal te hnenah fuihna thu sawiin, tumruhna leh taihmakna an neihchuan an hlawhtling ngei dawn a ni tiin, tuna KAMCO in Dragon Fruit juice a siam mek pawh Mizoram chhuan te zinga mi hun reilote chhungin a ni der tawh a, hei aia thleng sang zel turin MIDFA memberte chu a fuih a ni. 

Pu R. Lalhmingthanga President MIDFA pawh in an hmalaknate sawiin an kal zel dan tur report a pe a. Training na a kal te hi- Dragon Fruit enkawlna atana damdawi pawimawh tak tak te pek an ni bawk. 

Mizoram Dragon Fruit Association (MIDFA), Kolasib District ten vawiin a training an buatsaih hi National Centre for Integrated Pest Management, New Delhi te sponsored a ni.