19/2025-2026

Dated : Mamit the 2nd of April, 2025 : Mamit District chhunga West Phaileng leh Marpara inkar kawng chu tunlai hian SLT Company & Infracon Pvt. Ltd ten a siam that hna an thawh mek chu chhunzawm zel ala ni a. Hnathawk tu Company ten chak zawk a hna an thawh theih nan helai kawnga lirthei tlan dan tur hi ruahmanna siam țul a hriat a ni.

Chuvangin, Pu Pukhraj Kamal, IPS, Superintendent of Police, Mamit District chuan Motor Vehicle Act, 1988 (Act 59 of 1988) section 115 leh Mizoram Sawrkar Notification No. B.12021/10/2004-TRP Dt. 01.06.2020 in thuneihna a pek angin Mamit District chhunga West Phaileng atanga Marpara inkar kawnga SLT Company & Infracon Pvt. Ltd ten kawngpui an siamna hmun zelah ahnuai ami ang hian lirthei tlan dan tur thupek a chhuah.

08:00 AM-12:00 Noon - Lirthei tlan theih loh hun/Close.

12:00 Noon-01:00 PM - Lirthei tlan theih hun/Open.

01:00 PM-04:30 PM - Lirthei tlan theih loh hun/Close.

He thupek hian Dt.02.4.2025 atanga Dt.30.4.2025 thleng a huam ang. Kawngpui tha zawk kan neihna tur atana thupek hi ngaipawimawh turin mipuite kan inngenin kan inhriattir a. Thupek zawmlo te chu 179 MV Act hmanga hrém an ni ang.