Vawiin chawhnu dar 1:00 khan Mamit Officers Club ten an sak Mamit District Hospital Compound chhunga Mithi an awm a ruang chawlh lailawkna tur-a an buatsaih chu Mamit District Bawrhsap Pu V. Lalremthanga IAS in khuallian niin a hawng.

He chawlhna In hawnna hun Pu P.H Rualzakhuma, President Mamit Officer Club kaihhruaiah khuallian Pu V. Lalremthanga chuan thusawiin Mamit District Hospital a mithite dah lailawkna tur Mamit Officer Club ten thawh hona tha tak hnuaia khawtlang in an mamawh tak mai an sa thei chu a lawmawm takzet a ni a ti a, hei hi mamit tan thil chhinchhiah tlak leh lawmawm tak a ni a ti bawk. He mithi te chawlh lailawkna tur sakna tura sum thawhtu Mamit-a officer Club member zawng zawng te hnenah lawmthu sawiin Mamit-a Officer te chu an mahni hna chauh thawk lova, khawtlang thatna tura hma an lakna ah fakin theihtawpa tan la zel turin a fuih bawk a ni.

Chawlhna In hi Mamit District Hospital ten an enkawl dawn a , District Hospital Superintendent Pu James R.E Mawia hnenah Pu C. Lalpeksanga Project Director, DRDA chuan chabbi hi a hlan nghal a ni. He mithi dah lailawkna tur Chawlhna In hi Rs 200000/- senga sak niin Adung 18ft leh avang 13ft a lian a sak niin, A chhungah hian khum 2 leh thuthlengsei pakhua a awm a ni.

He Building sakna tur sum hi Mamit Officer Club member ten an thawhkhawm a ni.