Vawiin chawhnu khan Mizoram State Election Commissioner Pu C Ropianga hovin State Guest House Conference Hall-ah sorkar Department hrang hrang hotu ten Co-ordination meeting an nei.

Meeting-ah hian State Election Commission inrelbawlna fel zawka a kal theih nan Draft State Election Commission Bill, 2013 an buatsaih leh Draft Amendment to Mizoram State Election Commission (Conditions of Service) Rules 2011 sorkara thehluh tur bakah 2nd Administrative Reforms Commission rawtna leh State Election Commission-te chak zawka hna an thawh theih nana rawtna siam tura sorkar laipui Ministry of Panchayati Raj-in a din Task Force-te rawtna kalpui dan an thlir hova. Chakma Autonomous District Council inthlan lo awm tur inbuatsaihna atana sum mamawh te leh Mara Autonomous District Council hnuaia Village Council te inthlan lo awm tur atana sum mamawh te an sawiho bawk a ni.

Co-ordination meeting-ah hian Mizoram State Election Commission Secretary Pu H Darzika bakah Finance, DP &AR, Accounts and Treasuries, GAD, Law and Judicial, Planning, UD &PA atangte in officer pawimawh te an tel a ni.