Mamit Officer Club huaihawta Mamit Inter Departmental Sport ni 21-30 June 2016 chhunga neih chu nimin tlai khan zawh fel niin Pi Lalbiaksangi District Bawrhsap chuan he sport hi a khar a ni.
Inter Departmental Sport ah hian Department hrang hrangte chu group 8 ah inthen niin infiamna hrang hrang 13 hmangin inelna neih a ni a, a pumpuiah green house chu pakhatna niin purple house chu pahnihna an ni a, Yellow house chu pathumna an ni.
He sport buatsaih a nih chhan ang taka sport hmangtuten inthian thatna an nei chu MOC duhdan a nih thu Pi Lalbiaksangi District Bawrhsap chuan he sport kharnaah hian a sawi a ni.
MOC tena Inter Departmental Sport an buatsaih hi a vawi khatna a ni a, tarlan tawh angin sport chhung hian office hrang hrangte chu pisa dawr khaihlak lo tura hun siam rem niin zingkarah leh tlai lamah sport hi neih thin a ni.
