Nimin Dt 22th (Inrinni) @ 3:34 pm khan 132 kilo Volt Aizawl to W.Phaileng line 33KV a charge chu mi thing kihin sairang bulah vaw chhe hlauh mai a. Thing kittute hi vawiin khan Sairang Police te chuan an man tawh a ni.

Line chhiat avang hian khawthlang lam chawmtu  33KV Sub Station pathum : Rawpuichhip, W.Phaileng leh Mamit ten Power an dawng thei rih lo a ni. Thingkih vanga  line chhia hi siam tha leh tur in Electric Department chuan theihtawp a chhuah mek a. Amaherawh chu hun a duh deuh dawn avangin, Power khaihlak chungchangah  mipui te hriatthiamna P&E Deptt chuan a ngen tak meuh meuh a ni.