NH-44A: Lengpui-Mamit-Langkaih lamlian double lane-a sial hna kum 2012 tawp atang daiha tan tawh chu, Contractor-in harsatna hrang hrang a tawh hnuah December 2016 atang khan khawl vaibelchhe 40 man zet dah belhin, tun fur chhunga harsatna tam tak paltlang hnuah tunah hian beiseina thar nen PWD chuan hma a la tan leh ta a. Tunah chuan hmun thum, Km. 33.150, Km. 67 leh KM.102-ah Lung herna khawl lian(stone crusher) leh Alkatra khawl lian(hotmix plant) bun felin, lei laihna khawl lian (excavator)-58 (leh lokal mek-2), Tripper-46 (leh lokal mek 20), JCB-10, Motor Grader-4, Road Roller-Y2, Paver finisher-3, water tanker-7, rock-breaker-6, concrete mixer-4 leh khawl dang engemawzat nen an thawk mup mup a ni.

October tawp lam deuh atanga hna chhunzawmin, (l)Tuidam thlang, Tumpang lui bula khawl hmangin Granular sub-base(GSB) metre 380 phah tawhin chhunzawm zel a ni a. (2) Km. 67 a khawl hmangin Mamit diversion Km 10 a thui sial tawhah Km 3.800 blacktop zovin, helai bik hi February, 2018-ah chuan zawh beisei a ni a. (3) Dampui diversion, Tut lui atanga Mamit kawng thar Km 18 vel a thui atangin Km 4.500 sial zovin, kawng hmahruai (pilot road cutting)- Km 6 laih a ni tawh a; helai ah hian lung harsa a awm nual avangin tun thai chhungin kan lai zo hman lovang. (4) Km.33.150 khawl hmangin fur hma khan Tut lui chhak lamah Km 25 blacktop tawh a ni a; November 7 atangin chhunzawm leh a ni a. Dialdawk lui leh Tut lui inkar-ah lei laih bak Km 4 awmin, tun thai chhungin hei hi blacktop vek hman turn a ni. He kawng tluana black-top zawh tawh chu Km. 29 vel niin, beisei anga thawh tluan theih chuan tun thai chhung hian Km. 35 dang black-top zawh leh hman beisei a ni.

Rockfall area bypass road tia vuah, Lengte peng atanga Dialdawk lui inkar Km 5 a thui, lamlian thar diai tur chu Ratna Infi-astruture Projects Pvt. Ltd, Hyderabad hnenah pek a niin, tunah a sial hna an tan tawh a. Tun thai chhung hian lai zovin, culvert leh retaining wall bakah kawng chhuat engemawchen phah hman tura beisei a ni a. He kawng hi cement concrete road (rigid pavement) double lane tur a ni.

He highway-ah hian hmun engemaw zatah kawng hlui kalsan (divert) an nih avangin mipuiah harsatna a thlen tih kan hria a. Transport & Highway ministry lamah heng kawng kalsante hi a siamna kan dil thin nain, kawngpui zawh dawn hnaiah lo chuan sanction min pe thei si lo hi kan buaina a ni a. helna kawngpui zawh hnuah erawh chuan turn khat siamthatna tur erawh chu min sanction theih ngei kan beisei. He harsatna pumpelh theih si loh hi min lo hriatthiamsak turin PWD chuan mipuite a ngen a ni. He lamlian hi 2019 a zo turin PWD chuan theihtawp a chhuah mek zel a ni.

Attachment

  • Loading attachment...