Krismas leh Kumthar lawmna vuakvetah halpuah leh halmawi chi hrang hrang hal hian mihringte tan thil thalo tam tak a thlen theih avangin Dr. A. Muthamma IAS, District Magistrate, Aizawl District chuan 144 Cr.PC tlawhchhanin heng a hnuaia thupek hi Aizawl District huamchhung a hman nghal turin a chhuah:
1. Mi tumahin phailam emaw hmundang atangin halpuah leh halmawi, silai lem, a mu kap chhuak thei chi reng reng an la lut tur a ni lo.
2. Krismas leh Kumthar vuakvetah mi tumahin halpuah leh halmawi an zuar/hralh tur a ni lova, an hal tur a ni hek lo.
3. Silai lem, a mu kap chhuak thei chi reng reng zawrh leh hralh khap tlat a ni.
He thupek hian chhuah anih atanga thla hnih (2) chhung a huam ang.
He thupek zawmlo leh bawhchhia te chu dan angin an chungah hremna lekkawh ani ang.
