627/2025-2026
Dated Mamit the 28th of May, 2025 : Indian Meteorological Centre, Ministry of Earth Sciences, Government of India Special bulletin dt. 28.05.2025 in a tih chhuah danin tunkar 28th-30th May, 2025 inkar hian Mizoram chhungah ruah tam tham tak a sur dawna hriat a ni a. Ni 29th May-ah phei hi chuan a sur tam zual dawn a ngaih a ni.
He mi chungchangah hian mipuite chiai lo turin kan inhriattir a, amaherawhchu ruahsur nasa leh tek tla avanga chhiatna hrang hrang thleng thei laka kan him nan heng ahnuaia inkaihhruaina te hi Mamit District mipuite'n zawm turin kan inngen a ni.
1. Mahni In leh lo te thli leh ruah dawl thei tura a tul anga thawmthat tur a ni a. Tuichhe paihna leh tuihawk luankawr te mumal taka siam bawk tur a ni.
2. Mahni In leh a velah leimin mai thei a awm a nih chuan Silpaulin/Tarpaulin a khuh that bawk tur a ni.
3. Ruahsur nasat hun tura sawi lawk ni ah te hian a theih hram chuan tui hmun leh ramhnuaiah te kal loh tur a ni.
4. Ruahsur nasa avanga khaw kar kawnga leimin, lei tawlh leh lung lum te avanga nunna atana hlauhawm thleng thei leh ram palailenga tangkhan palh thei a nih avangin pawimawh tawpah lo chuan zin veivah pumpelh hram ni se.
5. Mamit District chhunga Village Disaster Management Committee (VDMC) tin leh tlawmngai pawite inralring theuh turin kan inngen a. Ralkhel leh chiai lovin tanpui ngai an awm apianga a tul dan ang zela che chhuak thei turin inbuatsaih tur a ni e.
6. Thudik tawk lo leh belhchian dawl lo thu thehdarh loh tur a ni a. Lo thehdarh an awm a nih chuan DM Act 2005 hnuaia hremna dan ziak angin an chungah action lak a ni ang.
Thli leh Ruahsur nasa avanga chhiatna thleng palh a awm a nih chuan Mamit District Emergency Operation Centre Phone No. 0389-2565025/7627952928-ah te biakpawh theih reng an ni. Tin, mahni bialtu Zonal Officer, SDO (C) emaw, BDO te hnenah a rang thei ang bera hriattir tur a ni bawk.
