628/2025-2026
India Meteorological Department, Regional Meteorological Centre, Guwahati leh Meteorological Centre, Aizawl-in thu a chhuah angin Assam leh a chhehvela fur ruah a thawh rualin Mizoram hmun ṭhenkhatah ruah nasa tak sur thei dinhmunah a ding mek a, thli leh tek pawh a awm theih thu khawchin thlir lawktute chuan an sawi a ni. A bikin ni 29.05.2025 hian ruah nasa taka sur tura thlir lawk a ni.
Hetiang a nih avang hian chhiatna laka kan him theih nan chhung tinte a theih ang anga fimkhur lehzual turin kan inngen nawn leh a ni. Khuarel chhiatna thleng palha harsatna tawkte chuan mahni District Emergency Operation Centre (DC Office) ṭheuhte emaw a hnuaia toll free number tarlanahte hian rang taka hriattir tur a ni e:
1) District Emergency Operation Centre : 1077
2) State Emergency Operation Centre : 1070/0389-2342520
3) Emergency Response Support System (ERSS): 112
