629/2025-2026

Siaha the 28th May 2025: Ram pum huap Loneitute hmasawnna tura Sawrkar Laipui campaign Vikshit Krishi Sankalp Abhiyan (VKSA) kalpui dan tur relin vawiin chawhnu khan Addl Deputy Commissioner Pu Abraham Beirazi Khithie kaihhruainain DC Mini Conference room, Siaha-ah thutkhawmna neih a ni.

Vikshit Krishi Sankalp Abhiyan (VKSA) hi Sawrkar Laipuia Ministry of Agriculture & Farmers Welfare leh Indian Council of Agricultural Research (ICAR) tangkawp huaihawt a ni a, ram pum huapa Loneitute hnena tunlai thiamna (modern technology) hman tangkai dan tur zirtirna a ni. Soil health campaign, Modern Agricultural practices for Kharif crops, Soil and water conservation, climate resilient technologies, Vermicomposting bakah Sawrkar laipui scheme te a zau thei ang bera thehdarh a ni dawn a ni.

Vawiin thutkhawm chuan VKSA campaign hawnna chu naktuk tahrik Ni 29, May 2025 hian DRDO conference Hall ah hman nise a ti a, Addl DC Pu Abraham Beirazi Khithie chu Khuallian a ni anga, Dr H Vanlalhmuliana, Senior Scientist & Head, KVK Siaha chuan he hun hi a kaihruai dawn a ni.

VKSA campaigna fehchhuak tur te hi team 3 a then an ni a, KVK, Agri, Horti, Vety leh FPO bakah Progressive Farmer a tel theuh dawn a ni. Heng team 3 hian Siaha District chhunga khawtin te chu campaign period chhunga (29th May 2025 to 12th June 2025) tlawhchhuak hman vek tura ruahman a ni a, naktuk hawnna programme hman zawh hian team 3 te chu Khuallian Addl DC Pu Abraham Beirazi Khithie chuan a vailiam nghal dawn a ni.