696/2023-2024

Mamit 6th June, 2023 : Vawiin khan I&PR Conference Hall, Mamit-ah Department of Health & Family Welfare hnuaia Mizoram Health System Strengthening Project leh CMO Office tangkawp buatsaihin Mamit District chhunga damdawi In zawng zawngte a lo changtlun zel theih nan National Quality Assurance Standard (NQAS) training neih a ni.

Dr.Zothankhuma Chhakchhuak, Chief Medical Officer chuan kalkhawmte fuih tharna neiin hriselna kawnga thawktute chu kan hnathawh chhan inhrechiang a, midangte tana malsawmna ni zel turin a chah.

Training hi Vanlalhmangaihzuali, District Quality Manager-in a kaihruai a. Pu Lalrammawia, State Consultant QA (PH), National Health Mission chu resource person niin NQAS hi damdawi In a lo changtlunna atana thawktute'n an hriat ngai tam tak leh damlote'n damdawi In te innghahna tlak a an hman theihna tur atana inbuatsaihna a nih thu sawiin kalkhawmte a lem nen zirtirna a pe a ni.

Training-ah hian Mamit District chhunga Medical Officers, Staff Nurse, Block Account Manager, PHC, CHC leh District Hospital a thawktute telin training hian naktuk thleng a awh ang.