Mamit in Power a lakluhna 33kv line Dampui Ramngaw kaltlang lai chu vawiin khan Mamit DC Pu Vanlalngaihsaka hovin a hmunah en a ni.

Pu Vanlalngaihsaka chuan ruahsur apianga Mamitin power supply a hmu lo nghal zel chu buaipui tham a nih thu sawiin, a sutkian dan zawn a ngaihtuahna hman ho leh thawhho a tul a ni a ti, Kuthlei vanga line lo khawih chhe thinte chu District thuneitu te hnenah thlen thin ni se a ti bawk.

Pu V.J Cheeryan, EE P&E chuan forest clearance ti tura hma an lak mek zel tur thu sawiin power line mimal ram chhunga kalte pawh hmalak dan tur ngaihtuah a tul thu a sawi.

Vawiinah hian District a Sawrkar Official te bakah MJA leh VCP te telin, forest clearance tih tawh chin leh hmabak la awm te a hmunah kal chilhin en ho nghal a ni bawk.