Nimin (11.3.2015) chawhnu dar 4:00 khan Pu Vanlalngaihsaka Mamit District Bawrhsap kaihhruaiin Mamit Road Project meeting DC Office Chamber ah neih a ni.
He meeting ah hian Mamit khawpui chhunga kawng awm sa siam that leh chei that, a zauh dan tur leh a tul anga kawng thar sial belh dan tur sawiho a ni. Meeting hian Core Committee din tha a ti a. Core Committee hian a tul angin hma an lo la ang a. UD & PA Department lamin DPR an siamna tura mamawhte lo enfelin a tul angin an lo ngaihtuah dawn a ni. Meeting ah hian Road Project bakah, Mamit khawpui hmasawnna tur hrang hrang te an thlirho bawk a ni.
Meeting ah hian PWD, PHE, Revenue Department leh LAD, atanga Mamit District Road Project puipate bakah UD&PA lam atangin Pu Zorammuana, Director leh Pu Vanlalmawia, Joint Director te an tel bawk a ni.
