1959/2024-2025

Dated: Mamit the 7th of September, 2024 : Mamit thlang Tuidam bula leimin chu vawiin khan kawng lama thuneitu sang Er.Aditya Prakash CE Zone V (NER) Ministry of Road Transport and Highways, Government of India chuan a hmunah kalin a enfiah.

Mamit thlang tuidai kawng hi 23rd August leh 27th August zan ruahsur nasa tak avang khan a min a, leimin hi kawng ko atanga a mual tla thla a nih avangin thenfai leh siamthat hna a hautak avangin engtiang anga hmalak tur nge tih a hmuna en an nih thu PWD thuneitute chuan an sawi.

Khawthlang tlangdung panna leh inkalpawhna kawng pawimawh tak NH 44A leimin thenfai hna hi MoRT&H atangin a thenfai hna thawh a ni dawn a, thlakhat chhunga lei leh lung tla paihfai tura hnathawh a nih dawn thu leh khawl tam zawk hmanga hnathawh a nih dawn thu thuneitute hian an sawi a, a kawng chhuat chul mam leh thawmthat hna erawh NH 44A contract work atanga thawh tum a nih thu sawi tel a ni bawk.

Vawiin vek hian leimin chungchangah hian Pi Carolyn LB Khiangte, SDO (Sadar) kaihhruaina-in Sub- Hqrs. YMA hruaitute chuan PWD thuneitute hi PWD IB ah an kawm nghal a, leimin hian khawthlang tlangdung inkalpawhna kawnga harsatna nasa tak a siam avangin kawng thenfai hna chak taka kalpui tura an ngen bakah tuna inkalpawhna kawng awm chhun Mausen kawng hlui chu a thawmthat hna thawh sak thuai turin thuneitute hi an ngen bawk a ni.

Vawiin kawng ennaah hian Ministry of Road Transport and Highways, Government of India atangin officials thahnem tak an kal bakah PWD Highways Mizoram atangin officials a tel bawk a ni.