Vawiin khan D.C Conference Hall, Mamit-ah State Bank of India, Lead Bank office  Kolasib bultumin District Consultative Committee (DCC)/ District Level Review Committee (DLRC) meeting neih a ni a, Pi Lalbiaksangi, District Bawrhsap chuan meeting hi a kaihruai a ni.

Vawiin meeting-ah hian District chhunga Bank hrang hrangte hmalakna leh hlawhtlinna thlirho a ni a, Bank tinte chu Loan hrang hrang pekchhuah dan report  atanga a lan danin  Mamit District chhunga SBI Branch pathum ten Credit Deposit (C.D) Ratio norms 60%  ah 36.38% a ni a. Mamit District chhunga MRB Bank paruk te C.D Ratio chu 51.90%  niin, Mizoram Cooperative Apex Bank te  C.D Ratio chu 86.88% a ni bawk. Bank te C.D Ratio hi Bank tinte hian tihsan a nih theih nan tan la sauh sauh turin Committee chuan a  ngen a,  Educational Loan hi District mipuite tan hian Technical zirna lam bikah dil theih a nih reng thu tarlan a ni bawk a ni. 

Meetingah hian District chhunga mipuite tan  Financial Literacy Campaign a tam thei ang ber Bank tinte hian khaw hrang hrangah neih thin ni se, mipuiten Loan awlsam taka an lak theihna turin zirtirna pek thin ni se tih a ni bawk. 

Vawiin meeting hian pawisa fai kher lova indawr tawnna Cheque system leh  Digitisation hman uar deuh deuh ni se tih a ni bawk a, hei bakah hian District chhunga Bakijai cases pending awm tawh lo chu meeting chuan lawmawm a ti hle bawk. Mipui Loan diltute harsatna sutkian a nih theihnan document submit Bank Official te vanga tihkhaw tlai te chu awlsam thei ang bera chinfel sak thin turin meeting chuan a ti bawk a ni.

Target khumlo bank te hian an khum loh chhan sawifiahna neih  niin target khum ngei tura hmalak dan tur sawihona neih nghal a ni bawk a. 

Vawiin thutkhawm-ah hian Mamit District chhunga Bank hrang hrang aiawhte bakah  Addl D.C Mamit, Functional Manager DIC Mamit, DFDO, RBI Official te an tel a ni.