Chief Minister Pu Lal Thanhawla chuan kumin March ni 1 leh ni 2-a Chapchar Kut lawmna neih turah hmun hrang hranga Zohnahthlak awm ten hun hlimawm tak an hman theih nan duhsakna chibai a hlan a ni.

Chief Minister chuan Chapchar Kut chu Inremna Kut a nih angin tun tumah pawh hian Zoram chhung leh  Zoram pawna Zohnathlak zawng zawng pawhin inhriatthiamna leh inunauna tihtharna hunah an hman theih a beisei thu a sawi a. Kuminah Chapchar Kut Committee in thupui atan "Sem sem dam dam; ei bil thi thi" tih Mizo thufing a thlan chu mipuite’n an rilru ah pu theuh se a ti bawk. Hun lo kal zelah Chapchar Kut lawm danah zin veivak mite a tam thei ang ber hip zawnga kal chhoh chu tihtur niawm tak nia a hriat thu a sawi tel a. Chief Minister chuan Chapchar Kut Committee bakah Kut a hlawhtlin theihna tur atana tha leh zung, hun senga he ni hmangtute hnenah lawmthu a sawi bawk.

dipr.mizoram.gov.in/speeches/lang/mz