Vawiin khan PWD Principal Secretary, Pu Lalram Thanga chuan PWD IT Cell room thar a hawng a. PWD IT Cell hi kum 2007 atang khan Engineer-in-Chief Office room remchangah tan a ni tawh a, Engineer-in-Chief Office building chhawng chung berah room thar hi hawn a ni ta a ni.

IT Cell hi PWD hna computerised-na tura siam a ni a, EE (IT) hovin enkawl a ni a. IT Cell hian PWD Website (www.pwd.mizoram.gov.in) enkawl te, Tuikhuahtlang PWD Complex-a CCTV enkawl te, Office chhunga computer enkawl hnate an thawk a. Heng bakah hian PWD hna-a sawiselna leh rawtna online-a thlenna tur te, PWD Office hrang hrang headquarters nena MSWAN kaltlanga thlunzawmna tur te, Road Asset & Building Asset Management System siam leh enkawl zuina tur te siam belh tura hmalak mek a ni bawk. IT Cell tih changtlun zel hi PWD hnathawh chak zawk leh langtlang zawka thawh nan a tangkai hle dawn a ni.