Vawiin khan Pi Lalbiaksangi, District Bawrhsap kaihhruaina in Chhimveng YMA Hall Mamitah New Economic Development Policy (NEDP) Entrepreneurship Awareness Programme neih a ni a. Dr.C.Vanlalramsanga, IES, Secretary, Planning Dept. & Alternate Chairman, Mizoram State Entrepreneurship Development Monitoring Committee (MEDMOC) chuan khuallian niin a hmanpui.

Khuallian chuan thu sawiin NEDP hnuaia Comprehensive Growth Strategy Mizoram mipui tan Sorkarin a duan mek hi rualkhai taka kan ram hmasawnna tur a ni a tiin NEDP chu hmasawnna ngialnghet zawk kan ramin a neihna tura rahbi pawimawh a nih bakah kan ram thalai rualte tan leh mahni kutke a dintumte dinhmun sang zawka chawikanna tur a ni a ti, khuallian chuan tun financial year 2017-18 ah hian NEDP sum atan cheng vaibelchhe 750 dah a ni a, NEDP kaltlanga hmasawnna hna tha taka a kal theihnan a bawhzui tur leh vilzui tu tur 3 tier committee din a ni a, chungte chu NEDP Core committee, NEDP Executive Committee leh NEDP Monitoring Committee te an nih thu a sawi.

Khuallian chuan kan ramah Entrepreneurship a than theih nan thil pathum Political Will, Economy tha leh Policy Environment tha a awm a tul thu sawiin chungah chuan Sorkar in hma a la mek a ni a ti. Kan ram Economy hi India rama thang chak ber pawl a ni a. India ram Average chu 7% vel a nih laiin Mizoram chu 9% a ni chho deuh reng a, Growth Driver State kan ni pha a ni a ti a, Entrepreneurship lama hmasawn zel turin Mizoram chu kan dinhmun a tha a ni a ti bawk.

Pu Joseph L. Ralte, Expert Member, MEDMOC chuan Power point presentation hmangin NEDP hnuaia Entrepreneurship chungchangah zirtirna pein kalkhawmte atangin zawhna leh chhanna hun hman nghal a ni.

Vawiin NEDP Entrepreneurship Awareness-ah hian tlawmngai pawl hrang hrang atang te, MJA, Jt.V/C leh V/C aiawhte, Zirlai naupangte leh Line Department hrang hrang bakah Mamit khawpui chhunga thalai mahni kutke a din tumte an tel bawk a ni.