Mizo Zirlai Pawl General Headquarters, Manipur 36th Annual General Conference-cum-Award Distribution chu Chienkawnpang Community Hall-ah June ni 25, 2009 khan an hmang a, Mizoram Health Mininster Pu Lalrinliana Sailo chu Khuallian a ni. He Conference hawnna inkhawm Manipur MZP President Ginsawmsang Gangte kaihruaiah hian Pu Lallungmuana Lakher, IAS, Commissioner, Sports & Youth Services, Manipur Govt. chu Khual zahawm a ni a, Mizoram MZP President C.Lalhmachhuana leh a thawhpui te bakah Dr.Malsawma, Dy.Director, Health Services, Mizoram te pawh an tel a ni.
Khuallian Pu Lalrinliana Sailo chuan Mizoram sorkar chuan Zofate inpumkhatna a ngaihpawimawh thu a sawi a, Mizo hnahthlak hrang hrangte inkara inpumkhatna tha tak a awm theih nana MZP, Manipur Headquaters te tanlakna chu a fak. Mizo hnahthlak te hi hmun hran hranah awmin tawng hrang hrang hmang mahila kan luanzana tur chu Mizo-ah a ni a, kan awmna hmun theuh ah kan Mizo-na hre rengin rinawmna leh dikna vuan tlat turin a chah a ni.
Mizoram MZP President C.Lalhmachhuana pawhin thu sawiin Mizoram sorkar tharin zo hnahthlakte inpumkhatna tura ke an pen chu a fak.
Manipur MZP Conference-ah hian Manipur-a zo hnahthlak zinga zirna lama ti thate hnenah chawimawina hlan a ni a. Pu Lienmuong S.Gangte, IRS, David Gangte, IES, Gin Gangte, IIS tling thar te; Lalmuanpuia, LPS Pro fight Lightweight Champion, Priyadarshani M.Gangte, Literature lama hmingchher (‘Why Must Be We Mizo’ tih ziaktu) leh Hauneihkam, Chief of Luihoihmuol Cham, NREGS avanga Model Village siam thei te hnenah Khuallian hian chawimawina a hlan bawk a ni. Conference hi zo hnahthlak pawl hrang hrang 15 zetin an telpui a, chung pawl ho aiawhte chuan Minister hi chawimawina thilpek an hlan ve thung a ni.
Manipur MZP Headquarters hruaitute chuan Churachandpur leh Imphal hmunah te Mizoram House sak ve ngei ni rawh se tih thu an thlen chu Health Minister hian bawhzuiin Mizoram House sakna hmun tur neihsa chu a hmun ngeiah a enpui nghal.
Health Minister hian Sainik School, Imphal ah Joundice hri a len avangin Mizo naupang zirlai mi 27 awm mek te chu an dinhmun hrechiang turin a tlawh bawk a. School Principal leh Headmaster ten lo dawngsawngin he natna lo chhuah chhan an lo hrilhfiah a, tui in tur reng reng chhuanso chauh in tur a nih thu an lo sawi. Minister chuan Mizo naupangte Kristian an nih angin Pathian biakna hun tha an neih theih nana hun tha zawk siam sak turin leh ngun lehzual zawka enkawl turin School hotute a chah. Mizo zirlaite nen chhun thingpui inhona leh inkawmna hun tha tak a nei zuipui a ni.
Mizoram MZP President C.Lalhmachhuana pawhin thu sawiin Mizoram sorkar tharin zo hnahthlakte inpumkhatna tura ke an pen chu a fak.
Manipur MZP Conference-ah hian Manipur-a zo hnahthlak zinga zirna lama ti thate hnenah chawimawina hlan a ni a. Pu Lienmuong S.Gangte, IRS, David Gangte, IES, Gin Gangte, IIS tling thar te; Lalmuanpuia, LPS Pro fight Lightweight Champion, Priyadarshani M.Gangte, Literature lama hmingchher (‘Why Must Be We Mizo’ tih ziaktu) leh Hauneihkam, Chief of Luihoihmuol Cham, NREGS avanga Model Village siam thei te hnenah Khuallian hian chawimawina a hlan bawk a ni. Conference hi zo hnahthlak pawl hrang hrang 15 zetin an telpui a, chung pawl ho aiawhte chuan Minister hi chawimawina thilpek an hlan ve thung a ni.
Manipur MZP Headquarters hruaitute chuan Churachandpur leh Imphal hmunah te Mizoram House sak ve ngei ni rawh se tih thu an thlen chu Health Minister hian bawhzuiin Mizoram House sakna hmun tur neihsa chu a hmun ngeiah a enpui nghal.
Health Minister hian Sainik School, Imphal ah Joundice hri a len avangin Mizo naupang zirlai mi 27 awm mek te chu an dinhmun hrechiang turin a tlawh bawk a. School Principal leh Headmaster ten lo dawngsawngin he natna lo chhuah chhan an lo hrilhfiah a, tui in tur reng reng chhuanso chauh in tur a nih thu an lo sawi. Minister chuan Mizo naupangte Kristian an nih angin Pathian biakna hun tha an neih theih nana hun tha zawk siam sak turin leh ngun lehzual zawka enkawl turin School hotute a chah. Mizo zirlaite nen chhun thingpui inhona leh inkawmna hun tha tak a nei zuipui a ni.
Attachment
- Loading attachment...
