No.1965/2020-2020

Pu Zothantluanga hian nimin June ni 11, 2020 (Ningani) khan a bial chhunga veng hrang hrang - Dinthar Sairang, Sairang, Sakawrtuichhun, Tanhril leh Chawlhhmun-a Task Force Duty te chu tlawh kualin, veng tina Task Force Duty-te hnenah hian an mamawh tur thil chi hrang hrang - Hri thahna hlo (Disinfectant), Kutkawr (Glove), Hand Sanitizer leh Damdawi chi hrang a pe a. YMA Day puala an khawtlanga mi rethei leh harsa zawk te hnena sem turin Sairang Branch YMA hnenah Buhfai Bag 3 a hlan bawk a ni.

Nimina a bial chhung veng hrang hrang a tlawhnaah hian Pu Zothantluanga chuan Covid-19 hri leng avangin bial mipuite chu lungngai lo tur leh chiai lo tura fuihin, harsatna leh manganna an tawh te leh, an mamawh te pawh inthlahrung hauh lova a hnena thlen zel turin leh, a remchan dan ang zela tihhlawhtlin sak a tum thu a hrilh a ni.