1067/2026-2027 

Siaha, 18th June 2026: Evangelical Church of Maraland (ECM) enkawl Maraland Theological College (MTC), Siaha chuan vawiin khan Senate of Serampore College (University) ah full affiliation an nih lawmna leh Pathian hnena lawmthu sawina hun Upa LC Hlychho Memorial Chapel, ECM Vaih, Siaha-ah an hmang.

Vawiin hun hmannaah hian Evangelical Church of Maraland hruaitute bakah Siaha khawpui chhunga kohhran hrang hrang hruaitute a tel. Rev. Chhuakhu Khithie, ES i/c Education, MTC chuan hun hman hi a kaihruai a, Rev. K. Laichhua Azyu leh Upa Pu M. Laikaw, CEM, MADC ten thuchah an sawi a, MTC Principal Rev. Dr. Setha Solo hnen aṭangin report ngaithlak a ni. Rev. Henry C. Lalenkawla, Vice Principal, MTC-in lawmthu sawina a nei a, malsawm ṭawngṭaina Rev. F. Vanlaldika, Moderator Elect. ECM Assembly in a nei a, hun hman tihtawp a ni.

Maraland Theological College hi October ni 7, 2017 ah din niin, kuminah Senate of Serampore College (University) pawmpuina an hmu a ni. Course pali - Bachelor of Theology, Bachelor of Christian Studies, Bachelor of Music (Church Music) leh Certificate of Theology zir theih anih bakah Missionary te tán training ṭha tâk pek ṭhin a ni. MTC ah hian tun dinhmun a Core Faculty sawm leh Guest Faculty paruk an awm mek a, non-teaching staff paruk bakah zirlai 45 an awm mêk a ni.