1068/2026-2027 

Dated Serchhip, the 18^th June 2026: Vawiin khan Serchhip District Election Officer Pu Paul L.Khuma chuan Press Conference kovin Special Intensive Revision (SIR) 2026 kalpui mekah Serchhip District chhunga Enumeration Form Digitization hna thawh chu June 17, 2026 zan khan 100% tluang taka zawh fel a ni thu a sawi.

Serchhip District Election Officer (DEO) Pu Paul L. Khuma chuan Special Intensive Revision neih mekah Serchhip District chu Mizorama Enumeration Form sem zo hmasa ber an nih thu sawiin Digitization report District- te’n an thehluh hmasak ber tum, June ni 8 – ah khan Serchhip District chu 6-na an nih thu a sawi a, ngawrh taka hna thawh zel niin, ECI-in June ni 28-a zawh tura a ruahman chu nizan dar 8:16 p.m. khan zawh fel niin, portal-ah zan dar 10-ah reflect a nih thu a sawi a; Champhai District nen June 17 zan khan zawh rual a nih thu sawiin, Assembly Constituency pakhat awmna Khawzawl District chuan June 16 khan an lo zawh tawh thu a sawi bawk.

SIR 2026 kalpui mek a hlawhtlin theih nana a sur a sa hnuaia thawktu hrang hrang - Election Branch-a thawkte, ERO, AERO, BLO Supervisor, BLO, BLA leh Media-te bakah kohhran, khawtlang hruaitu leh tlawmngai pawlte SIR buaipuitu zawng zawngte chungah lawmthu a sawi a ni.

Vawiin meeting-ah hian Election Officer Pi Lalchhanhimi’n Uncollectable chungchang leh thil pawimawh dangte sawizauna a nei bawk a. Mitthi tawh (deceased) te, chanchin chhuizui theih tawh loh (untraceable/absent) te, hmun danga pem hlen tawh (permanently shifted) te, hming chuang nawn (duplicate) leh Enumeration Form-a inziaklut duh lo (refused to sign EF) te chu Uncollectable tih niin Serchhip district-ah tun dinhmunah chutiang mi chu mi 1184 an awm thu a sawi a, July ni 4-ah Draft Roll tihchhuah tur niin, August ni 4 thlengin Draft Roll a sawisel duh nei leh dilna hrang hrang thlen duhte tan hun hawn a ni ang a, heng dilna te hi September ni 2, 2026 thlengin chinfelna hun hawn niin September ni 6, 2026 ah Final Roll tarchhuah a nih tur thu a sawi bawk.

Serchhip District-ah Enumeration Form hi 26th May, 2026 khan BLO te hnenah sem tan a ni a, 30th May, 2026 atangin BLO ten mipui (voter) hnenah an sem chhuak tan a.  Chief Election Office lam atanga 6th June-a sem zawh tura tih chu 4th June, 2026 ah 100% mipui hnenah sem zawh a ni a. Mipuite, anmahni inah kalchilh zel niin form fill up, signature pek leh BLO in a sign hnan tawh EF-te chu digitize zel an ni.

Vawiina hun hmannaah hian Pi Rebecca Laldinmawii, SDO(S) & ERO Tuikum (AC), Pi Lalchhanhimi, EO, Pu Chawngthu Lalrinhlua, AERO 27-Tuikum (AC), Pu Vanthangpuia, AERO 26-Serchhip (AC), Pi Lalchhanhimi, SDC leh Pu R. Vanneihtluanga, DIPRO te bakah Serchhip tualchhung chanchinbumite an tel a ni.