Nimin  khan Pi Lalbiaksangi, District Bawrhsap kaihruaina-in Mamit District  chhunga Sawrkar Development Schemes khawih Department  hrang hrangte chuan D.C Conference Hall-ah Mamit District khawpuia Legal Services Camp Module neih tur chungchang ngaihtuahin thutkhawm a ni.

Meeting hian Legal Services Camp hi March ni 6 khian Govt Mamit College (GMC)  ah chawhma dar 11:00 ah a hawnna hun hman a ni, se tih a ni a, hetah hian Sawrkar Schemes hrang hrang mipuite hriat turin Department hotute hian hrilhriatna an nei nghal ang.  Department hrang hrangte hian an Department in Development Schems kalphung an kalpui dan a lem nen an entir dawn a, hei bakah hian Department te hian mipuite dawr theih turin leh an zawhna te chhang thei turin Department tinte hian  Stall an siam dawn a ni. Mipui kalkhawmte hian hriatthiam loh leh hriat belh duh an  neite chu Department Stall ah hian an zawt thei anga,an thil hriat duh dan a zirin  Department Officials kawmna hun remchang siamsak an ni bawk ang.

He Legal Services Camp hian a tum ber chu mipuite tana Sawrkarin a duan mipui chanvo leh an hamthatna tur Welfare Legislation and Schemes hrang hrang  kalphung in hrilhriatna hun a nih dawn a vangin Mamit District mipuite a tam thei ang ber tel tura sawm kan ni. 

He hun hmang tura District chhung  khaw hrang hrang atanga rawn kalte tan hian an kal man senso bakah Kal zawng  zawngte tan  Refreshment tui hnai tak buatsaih a ni bawk ang.

Mamit-a Legal Services Camp  neih turah hian Aizawl lam atangin mithiam  Pu K.L Liana Presiding Officer MACT ( Motor Accident Claims Tribunal) leh Pu Vanlalenmawia, Member Secretary, MSLSA ( Mizoram State Legal Services Authority)- te  he hun ah hian an rawn tel dawn a, mipuite tana hriattur thu pawimawh tak tak an sawi dawn a ni.