Vawiin chhun khan Lunglei Bawrhsap Pi Lalzarmawii IAS kaihhruaina in a Office Chamber-ah ' Pukpui to Tlawng inkar kawng Rigid Pavement hmanga tha taka siam a nih theih nan  hmalak dan tur sawihona  neih a ni,. He sawihona ah hian DC, SP, PWD, Tantia leh SLT Company leh Lunglei Thalai Pawl te an tel a ni.

Meeting kaihruaitu Pi Lalzarmawii IAS Bawrhsap chuan, helai kawngpui hi Lunglei mai bakah Lawngtlai leh Siaga District thleng a kawngpui pawimawh (life line) anih avangin ruahtui tlak hma ngei a chak tak leh tha tak a siam a ngaih thu sawiin, hmaraw tha zawk hmanga kawng siam turin kawng siamtu contractor/ company te a chah. Pukpui leh tlawng inkar kawng Rigid pavement siam hna thawk tur hian Tantia leh SLT Company chu Sawrkar in a thlang a, cheng vaibelchhe 2 pekchhuah tawh a ni.

Tantia leh SLT Company te hian an hmanrua te bun fel mekin  hnathawktu (labour) 25 neiin, a dang pawh an chahbelh leh mek. He kawng siam mek  hna a khaihlak loh nan  naktuk (2.March.2018) atang khian  Sumo chin chunglam tlan phal loh tura thupek chhuah a ni ang.  Rigid Pavement  Concrete Catching  hna hi ni 10.March 2018  atanga thawh tan tum a nih avangin hemi ni atang hian lirthei ang chi mah tlan phalloh tur thupek chhuah a ni ang. Hemi anih avang hian lirthei khalhtute leh mipuite  lo in puahchah lawk tura hriattir an ni a, Harsatna dang a awm lo anih chuan Rigid Pavement hna hi March 2018 chhunga zawh fel hman tum a nih thu Tantia leh SLT Company te chuan an sawi.

Attachment

  • Loading attachment...