Kum tin January ni 30 hi India ram zalenna atana nunna chante hriatrengna ni ‘Martyrs’ Day’ hman a ni thin a. Hemi ni hian rampumah chawhma dar 11 -ah martarte sunna hun hman - thin niin minute 2 chhung mahni awmna hmun theuha ngawi renga din leh lirthei zawng zawng (tlan lai pawh nise) ding vek tur a ni.

Kuminah pawh ramchhung hmun dangte rualin Mizoram-ah pawh khawpui ber Aizawl leh District zawng zawngah Martarte Hriatrengna Ni hi hman a ni dawn a. Head of Department / Deputy Commissioner / Zir In zawng zawngte chu an hnuaia officer, staff leh zirlaite chu January ni 30 (Ningani), dar 11:00 ah Martarte Sunna Hun hi hmang theuh turin Mizoram Chief Secretary Pu Lalnunmawia Chuaungo chuan Hriattirna (Office Memorandum) a chhuah a ni.

Mizoram Secretariat, MINECO-ah Chief Secretary-in martarte sunna hun hi a kaihruai ang a, MINECO huamchhunga officer leh staff zawng zawngte chu Secretariat kawtah chawhma dar 10:55-ah kim taka awm turin hriattir an ni.