Vawiin hian Pu Sangdingliana, IAS, Secretary, Information & Public Relations, DC&MA, Government of Mizoram chuan Serchhip a Press Club sak mek a tlawh a, MJA hruaitute nen hmalak zui zel dan tur te an sawi ho.

A hmunah hian Serchhip MJA President Pu C. Ramengmawia leh MJA member remchang ten an lo dawngsawng a, hna an lo thawh tawh dan leh hmabak awm hmasa te lo hrilhin Secretary hnenah hian chhunzawm thuai a nih theih nana kawng dap sak turin an lo ngen a. Pu Sangdiangliana pawh hian a theih ang anga lo ngaihtuahpui a inhuam thu MJA member te hi a hrilh a ni.

Serchhip Press Club hi CM Special Fund sum Rs. 10,00,000.00 hmanga bul tan a ni a, tunah hian kawngan chhuat (slab) leh chumi chung chiah Slab chu chhun thlen niin an sum dawn te an hmang zo tawh a ni.