3402/2022-2023
Aizawl the 29th January 2023 : January ni 30 hi India Zalenna atana nunna hlantute hriatrenga ni – Martyr’s Day a ni a. Kum tin Martarte Ni ah hian ram pumah chawhma dar 11:00 ah anmahni hriatreng nan leh zahna lantir nan minute hnih chhung ngawi renga dingin hun hman anih bakah he hun chhung hian lirthei tlan mek pawh te tihdin an ni thin. Vawiin General Administration Department hriattirna angin Department leh Pisa hotulute zawng zawngte, DC zawng zawngte leh Zirna in hotulu zawng te chu an hnuaia thawk leh zir te naktuk chawhma dar 11:00 a urhsun taka minute hnih ngawih chu hmang leh zawm vek turin a hriattir a. Sawrkar hmunpui MINECO ah chuan Chief Secretary hovin he hun hi hman a ni dawn a, MINECO ah thawk zawng zawngte chu MINECO tualah zing dar 10:55 ah awmkhawm tura hriattir vek an ni a. Hun tan hman leh hun tawp a siren tihrik a ni ang.
