DIRECTORATE OF INFORMATION & PUBLIC RELATIONS, Government of Mizoram, India

3401/2022-2023

Dated Serchhip, the 28th January, 2023: Vawiin khan Er. Lalrinawma, Minister, AH & Vety, etc., chuan a bial chhung Thinglian khua khawtlang hruaitute nen ranvulh lama Thinglian khuain hma a sawn theih dan tur sawia inkawm khawmna an nei.

Minister chuan, ram leh bial mipuite tana hnathawk theia ka awm ve chhunga ka ngaih pawimawh ber pakhat chu eizawnna lam kawnga hmasawn zelna hi a ni a. Eizawnna ngial nghet a awm theih nan tiin link-road te pawh hi laih thin a ni. Kan thawh rah theuh seng tur kan nih avangin kan hnathawh hian kan nitin khawsak a hril theuhva, mipuite pawhin mahni zawnah mawhphurhna lian tak kan nei tih ka hrereng dawn nia, tiin mipuite a chah a. Ran vulhna lam hma an sawn theih nan pawh an thawhrimna chu thil pawimawh ber a nih thu sawiin, a theih ang angin Department pawhin a tanpui zel dawn tih a hrilh a ni. Minister hian Ran In sakna tur hmun atana khawtlang duhna hmunte pawh a tlawh nghal a ni.

Thinglian khuaah hian chhungkua 84 an khawsa mek a, inkawm khawmna hi VCP Pu Edenmawia'n kaihruaiin, NGO atangin Pu Sailova, Vice President, MUP in thusawina neiin YMA Vice President Pu Thantluanga'n thu sawina a nei bawk a, VCP in khawtlang aiawhin lawm thusawina a nei a ni.

Thinglian khuaa hun a hman zawh hian Minister hian Lungpho khaw Khelmual laih zauh dan tur Lungpho khawtlang hruaitute nen an en bawk.

Attachment