Vawiin chawhma dar 11 : 30 khan Mass Provincialisation Celebration Programme chu Laila Hall, Saiha-ah hlawhtling taka hman a ni. He Programme ah hian Pu Chawngtinthanga Parliamentary Secretary chu khuallian a ni.

He Programme hi Pu RC Chinzah, President, M.S.T.A. Saiha in a kaihruaia, hunserh Rev Lalbiakenga, BCM Saiha Pastor Bial in a hman hnu ah thu sawiin khuallian chuan hmasawnna zawng zawng innghahna bulthut chu zirna hi a ni, tiin ram ding chhuak tur leh tluchhe tur hi an zirna kalpui dan hian a hril thin a, vawiin a kan zirna kalpui dan hian kan ram hmasawnna leh hmalam hun tur thui tak a hril dawn a ni ati hawk. Pu Lalhmingliana, D.E.O. Saiha pawhin thu sawiin tun kumkhat kum hnih kal ta a Saiha district atanga MPSC exam-ah te, Technical Entrance-ah te leh HSSLC leh HSLC a result tha tak kan han neih zut zut mai hi a bulthut lama zirlai naupang lo kaihruaitu te hna thawh rah a ni tih ka hria a, ka lawm tak zet a ni, a ti a. Zirtirtu kalkhawm te chu tanla zual suah tura a chahin, Literacy percent-ah chuan Saiha District hian hmabak ko tak kan la nei a ni a ti bawk. Programme karlakah zaithiam zai te ngaihthlak a ni a, Pu JH Chohmo, Vice President, MSTA, Saiha chuan lawmthu sawina in he programme hi a ti tawp a ni.