Vawiin chawhnu dar 1:00 khan Saikuti Hall-ah MZP Sub.-Hqrs. Lunglei buatsaihin 2011 a zirlai titha distinction chin HSLC - 45, HSSLC - 1 leh 100% Pass School 16 te hnenah chawimawina hlan na hun neih a ni.
Khuallian Pu Lal Thanzara, Parliamentary Secretary chuan thusawiin MZP leh NGO'S dangte nena thawhhona tha tak an neih avangin lawmthu a sawi a, lehkha zir kan nih chuan tum nghet tak kan neih a tha, awmze nei in kan zir phah thin a ni. Inelna a san tawh avangin Pass ringawt tum lovin quality neih tum zawk tur a ni. Zirna tibuaitu laka ngam taka in thiar fihlim a, tumruhna leh chhel taka zir chuan hlawhtlinna rah kan seng thin a ni. Nu leh Pa leh zirtirtute uapna hnuaiah discipline neih chauh hi tum lovin mahni in dicipline neih a ngai, kan zirna ah hian Pathian hnenah kan inhlan chuan malsawmna kan dawng ngei ang a ti.
Zirtirtu ten zirlaite kutthlak mai lovin tawngkam mawi hmang theuh turin a duh a, naupangte hlawkpui ngei tura zilhhau turin a ngen bawk. Taimakna kan atchilh chuan mi hlawhtling kan ni ngei a beisei a, zirlaite chu zuk leh hmuam leh ruihhlo laka fihlim theuh turin a chah bawk. Sawrkarin thalaite hamthatna a ngaihtuah a, chuvangin zirlaite pawhin sawrkar hmalakna hrang hrangah tawiawm turin a chah a ni.
Inkhawm hi Pu. K. Lalsanglura, Vice President MZP Sub. Hqrs Lunglei in kaihruaiin zirlai leh nu leh pa an kal tha hle a ni.
Zirtirtu ten zirlaite kutthlak mai lovin tawngkam mawi hmang theuh turin a duh a, naupangte hlawkpui ngei tura zilhhau turin a ngen bawk. Taimakna kan atchilh chuan mi hlawhtling kan ni ngei a beisei a, zirlaite chu zuk leh hmuam leh ruihhlo laka fihlim theuh turin a chah bawk. Sawrkarin thalaite hamthatna a ngaihtuah a, chuvangin zirlaite pawhin sawrkar hmalakna hrang hrangah tawiawm turin a chah a ni.
Inkhawm hi Pu. K. Lalsanglura, Vice President MZP Sub. Hqrs Lunglei in kaihruaiin zirlai leh nu leh pa an kal tha hle a ni.
