Vawiin khan Aizawl DC Conference Hall-ah Electoral Roll Special Summary Revision chungchanga District Master Trainers’ Training neih a ni.

Ni khat awh Master Trainers’ training hi Joint Chief Electoral Officer Pu F.J. Liantluanga’n a hawng a. Gram Sabha neih pawimawhzia sawiin Jt.CEO chuan mipui kalkhawm hmaah electoral roll chhiar chhuak ngei tur leh chutah chuan data diklo awm palh te, hmun danga pem leh mitthi tawh hming paih ngai te hriat theihna tangkai tak a ni, a ti a. Gram Sabha hi polling station ngeiah neih a that thu a sawi. Special campaign neihna hmunah ERO, AERO leh BLO te kal ngei theih ni se tih leh claims leh objection te tikhawtlai lova a hun taka tifel thin turin officer kalkhawmte a chah a ni. Electoral management IT application chungchang pawh sawi langin an staff-te kutah dah mai lova officer-te’n hriatpuia thiam ve vek turin Jt.CEO hian a chah bawk.

New Delhi a training chhuak, State level Master Trainers te’n training hi an kaihruai a. Donny Lalruatsanga, SDO (C), Saitual chuan Legal Provisions and Structures of E/Rolls tih leh Procedural Matters of Roll Revision tih thupui hmangin kalkhawmte a zirtir a. H.Vanlalruatfeli, Programmer chuan IT application in Electoral Management chungchang a sawi bawk.

Training ah hian District tin atanga master trainers-te an tel a. Aizawl District Election Officer Pi Lalchhandami chuan thusawiin hun hnung a khar a ni.