No.1937/2020-2021

Aizawl the 11th June, 2020: Horticulture Department chuan Mau Chi supply chungchangah a hnuia ami ang hian sawifiahna a siam:

Mau hi sawrkar flagship programme a nih angin a bul tan nan Model Bamboo Plantation atan khaw pahnih - Hmunpui Ieh Lengpui thlan a ni. A tirah mi 250 tan ruahman a ni a, amaherawhchu thenkhat tan inbuatsaih nan hun tam zawk an mamawh avangin mi 226 thlan an ni a. Man ching tur thlan danah hian duhsak bik awm lovin, sorkar ruahmanna anga phur tak Ieh taima taka ching thei turte thlan an ni. Model anih angin Department in strict takin a kalpui a, a hmunah kalin endik vek a ni a. Tun dinhmunah tha taka hma la chu chhungkua 209 an ni. An hmalakna chin ang zelin tanpuina pek an ni tawh a, hmalak zelna tur pawh ruahman a ni.

Model Bamboo Plantation programme hi COVlD-19 hripui len hma kum bul lam atanga lo kal pui tawh a ni a. Sum fai tanpuina pawh lo vah nan te, mangkhawh nan te, thlam sak nan te leh khur laih nan te beneficiaries-te hnenah an hmalak dan ang zela pek a ni tawh. Mau hi phun hunbi nei anih avangin a phun hun a pelh chuan kum pumpui hlohna a ni. Chuvangin Hripui leng karah pawh Mau chingtuten kum an hloh lohna turin mau phun tur ngaihtuah a ngai a. Mau ching tute hnenah mau chi pek a nih theih nan Horticulture Department chuan Finance Department in The Mizoram Public Procurement Rules, 2020 (Procurement of Goods, Works and Services) a siam angin tender hi sorkar phalna thlap a koh a ni (Government approved). Tin, tender kohna lehkha copy hi Chief Minister, Additional Chief Secretary, Horticulture Department leh Bamboo Development Board Vice Chairman te hnenah Horticulture Department changtute an nih angin Department hmalakna an hriat theih nan thildang ang bawk a pek an ni. He Tender chhuah tur hi Director, Department of Information and Public Relations-ah dan ang thlapa thawn a niin, heng chanchinbu The Zozam Times, Vanglaini Ieh The Aizawl Post ah te chhuah an ni. Tin, tender kohna copy hi Information and Communication Technologies Department-ah pek a ni a, mi tam zawkin an hriat theihnan Ieh an hmuh theih nan Department website www.horticulture.mizoram.gov.in ah dah a ni bawk.

Khawvelin hripui leng a buaipui laia kuthnathawktute Ieh Department in intodelhna tura theihtawp a hma an la hi a lawmawm a. Mizoram economy siamna atan pawh a pawimawh hle. Hripui leng karah kan hma hun a hriat loh avangin horticulture lama hmasawnna uar taka kum dang zawng aia nasa a kalpui a ngai tih hriain, Department chuan mau phun kawngah chauh ni lovin, mipuite hnena thlai chi Ieh tiak sem chungchangah pawh tan a la nasa hle a ni. Model Bamboo Plantation atan hian SEDP Ieh National Bamboo Mission (NBM) pawisa converged a ni, mau chi leina tut pawh hi NBM, 2019-2020 sum atanga ruahman fel sa vek a nih avangin COVID-19 dona tura pawisa ruahman tihbuai a nei lo.