No.1934/2020-2021

Aizawl, the 11th June 2020 : Senior Superintendent of Police Traffic Aizawl chuan Chanmari West, Vaivakawn leh Edenthar Local Council-te nen inbiakrawn a nih hnuah Chanmari West peng atanga Vaivakawn panna kawng Pu R. Rohnuna, Chanmari West In leh Pi Zasangi In Vaivakawn inkar kawng a tlak hniam avangin mipui helai kawng hmangtute him zawk nan 407 chin chunglam lirthei engmah chho zawng leh chhuk zawngin helai kawngah hian tlan phal a ni lo tiin thupek a tichhuak.

He thupek hian helai kawng inkara 407 chin chunglam tlan dan tur No. RO/TRF/SP-Noti-7/08/631 Dt. 19.5.2016 a lo chhuah tawh chu thu leh awm hma chuan a luahlan ang.

He thupek hi a tuldan a zirin a hmuna Traffic Police Duty ten, remchan zawkna a nih dawn chuan an ti danglam thei ang. He thupek zawm lo te chu dan ang a hrem an ni ang.