No.904/2021-2022
Aizawl 10th June 2021: Vawiin khan Aizawl DC chuan Maubawk Veng area hmun thenkhat chu Containment Zone/Area-ah puan tawh chu hlih a nih thu a chhuah a. Hemi chungchanga DC thuchhuah chu a hnuai a mi ang hi a ni e.
The Mizoram Epidemic Diseases (CoVID-19) Regulations, 2020 Para 11(1)(b) behchhan leh Aizawl DC office lehkha No. C.16011/298/2020-DC(A)/Lockdown Dt. 17/05/2021 hmangin Maubawk Veng hmun thenkhat chu Containment Zone/Area-ah puan a lo ni tawh a.
Chief Medical Officer, Aizawl West in a hnuaia hmun tarlan huam chhung ami te hi tun dinhmunah mi tumah COVID-19 avanga dinhmun hlauhthawnawm ah an awm tawh loh avangin Containment Zone/Area hi hlih rawtna a rawn thlen a. He rawtna ang hian a hnuaia Maubawk Veng hmun thenkhat Containment Zone/Area-a lo puan tawhna chu 10.6.2021 (Ningani) Zan dar 7:00 atangin hlih nghal a ni.
Containment Area sawrzim/hlih tur chin te:-
1. UPC Pastor Quarters atanga Baptist Biak In thleng, Pu Thanbanglova in atanga Tv.Zamtea Workshop inkar, Pu Lalhriata in huam telin.
Containment Area in a la huam tur te:-
Pu H.Rongura in atanga Pu P.C Lawmthanga In kawngpui an thlanglam in pali (4) chin (Pu H.Rongura, Pu Laltanpuia, Pu Rohera, Pu P.C Lawmthanga te in thleng).
Covid 19 laka kan himna tur a sorkar kaihhruaina (SOP) siamte vengchhung mipui ten zawm tha chhunzawm zel tur a hriattir an ni e.
