No.903/2021-2022
Aizawl 10th June 2021: Vawiin khan Aizawl DC chuan Ramhlun South (Y-Section) hmun thenkhat chu Containment Zone/Area-ah puan tawh chu hlih a nih thu a chhuah a. Hemi chungchanga DC thuchhuah chu a hnuai a mi ang hi a ni e.
The Mizoram Epidemic Diseases (CoVID-19) Regulations, 2020 Para 11(1)(b) behchhan leh he office lehkha No. C.16011/298/2020-DC(A)/Lockdown Dt. 18/05/2021 hmangin Ramhlun South (Y-Section) hmun thenkhat chu Containment Zone/Area-ah puan a lo ni tawh a.
Chief Medical Officer, Aizawl West in a hnuaia hmun tarlan huam chhung ami te hi tun dinhmunah mi tumah COVID-19 avanga dinhmun hlauhthawnawm ah an awm tawh loh avangin Containment Zone/Area hi hlih rawtna a rawn thlen a. He rawtna ang hian Ramhlun South (Y-Section) hmun thenkhat Containment Zone/Area-a lo puan tawhna chu 10.6.2021 (Ningani) Zan dar 7:00 atangin hlih nghal a ni.
“Hemi bak Ni 18.05.2021 Ramhlun South Local Council area a Containment Zone/Area lo puan tawh huam chhunga a hnuai ami te hi Containment Zone/Area a la ni chhunzawm zel ang”.
Containment Area in a la huam tur te:-
1. Section Y-Main Road, kawng chhak lamah Pu LP. Biakdanga, (H.No. Y-125/2) Colony, Pu Nicholas T. Ralte (H.No. Y-106/A) leh an kawmchhak Pu Lalthanliana (L) (H.No. Y-106).
2. Y-Section Carmel Road kawngchhak lamah Pu Vanlalbiaa (H.No. Y-41) inbul kawr leh Rev. C. Vanlalhruaia (H.No. Y-35) inbul step leh Pu Lalhmingmawia (H.No. Y-24/1) Colony, Ramhlun South Area chin zawng.
3. Y-Section Carmel Road thlanglam Pu Vanlalthanga (H.No. Y-68) leh Pi Angela Zoramthangi (H.No. Y-69) inkar (Local Council Road chunglam).
Covid 19 laka kan himna tur a sorkar kaihhruaina (SOP) siamte vengchhung mipui ten zawm tha chhunzawm zel tur a hriattir an ni e.
