603/2025-2026
Lunglei, 2025 Ṭomir thla ni 14: Vawiin khan Lunglei DC Conference Hall-ah District Disaster Management Authority (DDMA) Chief Executive Officer Pi Rochuangkimi Khenglawt hovin Lunglei khawpui chhunga Local Council leh YMA (Young Mizo Association) ai awhte chuan May ni 15, 2025 (Ningani) zan dar 8:30 - 8:35 inkara Lunglei khawpui chhunga a ruala êng tihthim, mock blackout drill buatsaih tur atana thil pawimawh hrang hrang an sawi ho.
Mock blackout drill hi van sang aṭanga beihna (air raid) lo thlen thulha ram mipuite himna atana êng tihthim a ngaih huna chet lak dan tur en chhinna tur niin, May ni 15, 2025 (Ningani) zanah minit 5 chhung, dar 8:30 - 8:35 inkarah Lunglei Municipal Council (LMC) huam chhung veng 24-ah kalpui tura ruahman a ni a. Hlawhtling taka blackout drill kalpui a nih theih nan Local Council tinin an huam chhung ṭheuhva solar street light te tihthim dan tur ruahmanna siamin, lo bawhzui se, tih a ni a. Mipuite hriattirna atana zan dar 8:30-a minit khat chhung ralkhel dar (siren) tihrik tur chu veng tina Branch YMA te'n an information centre aṭangin lo tiri se, tih a ni a. Veng chhunga lirthei tlan vel thunun leh en fel kawngah YMA leh LC te'n a ṭul anga traffic police-te pui turin ruahmanna siam ni se, tih a ni bawk.
