Higher & Technical Education Department chuan MBBS seat chungchangah a hnuai ami ang hian thuchhuah a siam :

Kum 2012-2013 ah hian Mizoram sawrkar in Central Pool atanga MBBS seat a dawn thin seat sawmhnih pasarih (27) atangin seat hnih (2) rawn tih tlem a ni a, JIPMER, Pondicherry ah seat hnih (2) neih thin a ni a, seat khat (1) chauh rawn pek a ni a. Tin, Lady Hardinge Medical College, New Delhi a seat thum (3) neih thin atangin seat hnih (2) chauh rawn pek a ni bawk a ni.

Hetianga Mizoram in Central Pool Quota atanga MBBS seat alo dawn tlem tak nachhan chu Ministry of Health & Family Welfare (Health & Family Welfare Department) Govt. of India in kumtin a Central Pool atana MBBS seat 260 a pek thin chu seat 238 ah a tih tlem tak vang a ni. Chuvang chuan state hrang hrang Mizoram, Nagaland, etc. Ministry of Home Affairs leh Ministry of External Affairs, Central Pool Quota atanga MBBS seat dawng thin ten an dawn tlem phah theuh ta a ni. Ministry of External Affairs phei chuan an quota zawng zawng an hloh vek a ni.

Hetih lai hian Mizoram in MBBS seat kan neih zat thin kan neih let leh theihna turin kan Chief Minister leh kan Lok Sabha MP ten a tul angin theihtawp in hma an la a ni.

MBBS seat tih tlem a lo nih avanga zirlai thenkhat ten an beisei ang MBBS seat an chang thei lo ta hi Mizoram sawrkar chua pawi a titakzet zet a ni.