2387/2023-2024

Champhai the 20th October, 2023 - Nimin khan Mizoram Board of School Education chuan Education Training Hall, Champhai-ah Online Application Software and Integrated Digital Payment System tih thupui hmangin training a buatsaih. He training-ah hian High School leh Higher Secondary School zirtirtute Champhai leh Khawzawl atangin an tel tha hle a ni. He training-ah hian Dr. Jonathan Lalrinmawia, Academic Officer chuan kalkhawm te an zirtir a ni.

Training-ah hian MBSE online portal thara online registration tih dan te, online a exam form fil-up dan te, affiliation dil leh fee pek dan bakah thil thar MBSE portal-a awm te zir ho a ni a. Heng bakah hian MBSE-in a hman mek HS leh HSS Integrated Evaluation Scheme (IES) chungchang te zir ho leh niin, online portal hmanga real time-a internal mark submit dan te inzirtir a ni.

Training hi Mizoram puma High School Leaving Certificate leh Higher Secondary School Leaving Certificate Exam Centre leh an Feeder School pakhat theuh te tan buatsaih a ni a. Training na a kal te hi an mahni huam chhunga training pe theuh thei tura uluk taka zirtir an ni. Aizawl, Kolasib, Mamit, Serchhip, Sailtual district tan training hi neih zawh tawh niin Lungleiah Lawngtlai leh Siaha te tan buatsaih a ni bawk.