District Institute of Education and Training (DIET) Aizawl-a zirtirtu nih tum Pre- Service Teacher Education and Training (PSTE) Batch 17-na, 2014-2016 chhunga zirlai tana buatsaih Diploma In Elementary Education (D.El.Ed) Exam, June 2016-a neih tak result chu Mizoram Board of School Education (MBSE)-in tichhuakin, zirlai 81 ten tha takin Diploma In Elementary School Education (D.El.Ed) an zo thar. 3rd Semester zirlai mi 58 ten tha takin an pass bawk.

PSTE batch 17-na te hi India rama teacher education lama thuneitu National Council for Teacher Education (NCTE) in a duh dan anga Semester System kalpui a nih hnua batch hmasa ber an ni a. NCTE Regulation in a phal angin kumin 2016 Academic Session atang chuan D.El.Ed a 50% hmu te tan MZU leh Institute of Advanced Study in Education (IASE)-ah M.Ed an zir thei tawh dawn.

DIET Aizawl-a 2015-2017 chhunga zirtirtu ni mek (In-Service Teacher trainees) batch hnuhnung ber te tan buatsaih D.El.Ed. 1st Year Primary leh Middle Section Exam, June 2016 result chu MBSE in tichhuak nghalin, Middle Section-ah Candidate 120-ah 112 an pass a, Primary Section-ah candidate 79-ah mi 70 pass bawkin nakum June 2017-ah an zo fel tawh ang.