927/2023-2024

Aizawl the 26th June 2023 : Vawiin khan Mizoram Board of School Education chuan HSLC leh HSSLC, (Compartmental) Examination 2023, June ni 13-a a lo buatsaih tak result a tichhuak. Exam beitu hi HSLC ah zirlai 54 awmin Centre 11 ah neih a ni a, heng zinga mi 16,za zela 29.63 te chuan hlawhtlinna an chang a ni. HSSLC (Compartmental) result tihchhuahah hian zirlai exam beitu 4 (Arts ah 1, Science ah 3) awmin Exam Centre 3 ah neih a ni a, zirlai hlawhtling an awm lo.

Compartment result rual hian Post Publication Scrutiny (PPS), Re- evaluation leh Compartment result chhuah hnua HSLC leh HSSLC, 2023 result overall abstract a tichhuak nghal bawk a. HSLC ah zirlai exam bei zawng zawng zat 18,102 atangin mi 12,897 an hlawhtling a, chu chu za zela 71.25 a ni. HSSLC ah mi 14,091 exam bei atangin 11,088 za zela 78.69 an hlawhtling a, Arts stream-ah za zela pass zat hi 78.35 niin, Science leh Commerce stream-ah za zela 77.79 leh 86.5 a ni.